潮乜春

一個喜歡創作嘅宅人,希望可以用宅人眼光出發,講解日常的生活的大小事? 唔理係動漫、F1、科技、定係生活上芝麻綠豆嘅小事,星期六準時0000更新~

台灣宅宅環島之旅:逆時針篇 Day 1 出發

正式踏上旅途

每一次去旅行,都會懷着好興奮嘅心情出發。明明對於我這個一年飛三、四十次孤獨飛去日本睇演唱會嘅人來講(疫情前),其實去旅行都已經完全沒有期待,因為已經完全盲目了;但唔知點解今次第一次同朋友一齊出行,會有一種期待的感覺。

大約11月中旬左右,我們決定12月底去台灣旅行。但是因為時間緊迫,所以我們經過比較後,決定機票和第一晚住宿在某E字頭的網站訂購,因為相比只在航空公司訂購機票,不單止比較便宜,而且因為我們第一天選擇入住比較便宜的酒店,所以每個人只需要$1800左右便可以,相比起直接在航空公司訂購機票,不單單是便宜了接近$1000,而且也包括了第一天酒店,感覺是買到賺到。

我們的航班雖然下午2時05分起飛,但是因為我是一個極度討厭遲到的人,所以便約了在上午11時集合。我大約早上10時30分左右到達,但是其他朋友已經一早到達,所以他們一直在等我,然後一齊check-in。正值聖誕節前夕,機場出發去旅行的人潮人山人海。我們由排隊check-in,到成功進入禁區,已經是一小時後的事情。

香港人去旅行指定動作

係桃園機場踏出飛機的一刻,時間仲係未夠五點,原本打算完成入境手續,離開機場禁區都只係五點半左右,結果在桃園機場排隊入境,足足等了接近一小時才完成入境手續,攞完行李都已經下午6時15分左右。之後我們快快手去攞車,完成租車手續已經6時45分,之後我們快快手放所有行李上車,然後就正式開始台灣自駕之旅。但可惜好景不常,行駛了大約三、四公里,剛剛離開桃園機場,就發現車輛油缸油量只餘下少量,所以離開機場,上了高速公路之後又要尋找油站。

純粹有瓦遮頭已經好滿足

第一天因為唔想揸太遠,而且想有少少時間熟悉台灣路面情況同左軚駕駛,所以我們選擇了機場附近的中壢區作為第一天的住宿地點。 在中壢,我們選擇了中壢伯爵商務旅店,老實講,除了平之外真係沒有甚麼好處(雖然我們接近完全是訂機票,送一晚住宿)。完成入住手續後,扭動鎖匙進入房間的一刻,馬上有有一種幾十年前看電視見到大陸果種酒店嘅感覺,超級懷舊的設計,而且房間門不會自動鎖上,出入都要自己鎖門。房間舊也不是問題,最大問題是一進入房間,有一陣煙味漂出來,不過以接近免費的價錢入住,即使房間不是太大,但只是過一晚,我絕對能夠接受到,因為相比起在網吧睡,這裡已經完全優勝。

中壢,我相信好多人聽過,但真係去過嘅人,其實我諗真係少之又少,無他嘅,附近旅遊景點又唔係多,接近完全沒有;桃園機場捷運又未去到中壢市中心。出發之前曾經上網簡單睇過中壢的介紹,大約係一個集合唔同地方去北部工作的人居住的地方,即係有少少類似星期日皇后像廣場果種感覺,不過果度日日都係咁解。在酒店安頓好之後,外出尋找晚飯的時候,第一時間感覺是一種比較落後嘅感覺,不管是建築物還是人,都有一種和時代步伐脫節的感覺。不過唔好話商場,就連想搵一間高級少少嘅酒店其實都唔係咁容易,所以如果想體驗一下台灣唔同地區文化嘅大雜燴,我相信呢度都係一個唔錯嘅選擇。

諗唔到食乜好,不過有野食已經好好~

眾所皆知,某航空公司來往台灣的航班飛機餐只會提供由該航空公司提供的麵包卷,而且是極度難食,所以我勉強放進口中。但是那時是下午2時40分左右,之後安頓好自己都已經係夜晚八點,所以真係好肚餓,所以事不宜遲就去附近的中原夜市尋找晚飯。但是步行到達之後,突然發現佢真係一個夜市,除了只有少量檔攤是販售食物之外,更加多的是在消售日常生活用品(可能因為附近主要係比較多唔係當地人居住?),所以我們在附近選擇了一間餐廳食一人鍋,不過唔係話特別好食所以就唔講啦(不過之後問返台灣朋友,先知道原來係連鎖餐廳來的)。之後食飽就快快脆脆行返酒店瞓覺,準備第二日的行程。

Like my work??
Don't forget to support or like, so I know you are with me..

CC BY-NC-ND 2.0

台灣宅宅環島之旅:逆時針篇 Day 0 準備

4

Want to read more ?

Login with one click and join the most diverse creator community.