香港仔遊記系列 某年日本初度遊電波之旅回憶錄 (2)

[好幾年沒有外遊, 加上疫情下沒能外遊, 只能翻看自家陳年日本旅行遊記並分享舊文章來抒懷]

第一日 — 某年4月30日

在日本第一晚, 唔知係咪因為「生保」床既關係, 在床上攤左幾個鐘至訓到, 諗住較左鬧鐘日本時間上午5點半起身, 最後訓到日本時間上午7點幾至醒, 之後果6日幾乎每日都係日本時間7點幾自然醒, 不論有冇較鬧鐘 :-P

是日出發去京都 ~~~ ^^, 由於我呢次電波之旅是以觀光為主, 所以我係完全冇去到任何既shopping mall, 在京都果三日都係參觀寺廟居多 :-P

其實尋日去大阪通天閣前, 已o係旅館附近行下認下路, 仲俾我發現比第一日來果個火車站更方便既地鐵站, 於是, 我呢一日開始日日去第二度玩都用呢個地鐵站出發

第一日搭車由大阪去京都, 如果精神好既話, 都可以望下出面既景物既, 不過我朝朝都訓唔醒咁款, 所以在車度幾乎全程「釣魚式」訓覺 :-P, 而因為撞正日本的黄金周假期 (4月28日至4月30日, 5月3日至5月5日) 關係, 車站入面的步行道好多人，但又未至於迫死你果隻 ^^ by the way, 黃金周假期係尋日同「貴人」在車上閒聊果陣傾開而得知的 ^^

坐左成粒鐘, 終於到左京都站了, 於是我就走去找車站轉車去京都第一站 — — 金閣寺, 因為我係一個唔鍾意俾太多計劃局限既人, 因此我冇計劃到坐巴士要幾耐至到金閣寺, 亦冇預算會在寺內行幾耐, 也因此我已決定下一站未必會跟原有計劃上既次序去行, 只係睇下邊個計劃左既景點順路就下一站去果一度 :-P, 坐左個幾鐘左右, 到左金閣寺, 原來都有唔少人去既, 除左一定會見到既日本旅客, 仲有D係中國或台灣人, 當然都有幾個係香港人, 果度地方唔係好大, 所以好快行完, 不過個人認為金閣寺坐落在湖中央既園林設計幾好

之後因為回程去京都架車經我另一個想去既景點 — — 二條城, 於是我下一站就去果度, 其實真係冇乜特別計劃, 都係事前初步計劃左去邊d地方同點搭車去, 之後再睇時間做人, 同睇下順唔順路

二條城入面真係好大, 城樓同周圍既園林佈局真係幾正架, 不過就係因為地方大, 行到我累死咁滯 :-P, 在入面既小食部買少少野食同休息, 是日既lunch就咁草草搞掂左；我係一個對食唔講究既人, 我反而比較著重觀光既享受多D :-P, 之後見小食部出面有電話亭可以打長途電話, 於是打左返屋企同家中的「師奶」報平安同吹水 (前一晚因為冇電話用, 只好硬住頭皮問旅館老闆借電腦的Skype打電話番香港好趕咁報平安 :-P)

之後見係日本時間下午2點幾, 時間尚早, 於是就去左嵯峨站度買第二日既嵐山小火車既車票, 沿途轉完地鐵再轉電車 (其實都唔算係電車既, 不過係一架好慢既火車啫), 去到買車票果陣, 今次我試用國語問, 但唔知係佢地唔識聽定係我國語爛, 佢地俾左個”唔明”既反應我, 於是我又本能地用左英文加肢體語言問, 佢地今次俾到反應我同埋好有耐性兼好helpful咁俾我買票 ^^

之後見係日本時間下午3點幾, 仲可以去多一個地方, 咁就轉完電車再轉地鐵咁去到祇園了, 祇國行去八阪神社果條購物街兩旁都有唔少店舖俾人買手信同食野, 不過價錢當然係有番咁上下貴夾「唔抵」啦 :-P, 所以我都只係window shopping而沒有買, 去到神社行左冇耐, 就見到有日本人行結婚式由神社中央行去神社既餐館了, 果個做人外父既日本人個勢睇落幾惡下架 :-P, 之後我去左神壇前添香油錢兼拜兩拜, 見有占卜機就用左100yen占卜, 我占到「吉」簽呀, 果下勁開心 XDXD 在之後既幾日, 有幾次見有占卜機就用100yen求簽, 全部都係「大吉」同「吉」簽, 勁開心, 雖然唔識睇日文簽文, 但有「吉」同「大吉」就得了 XDXD

之後諗住係日本時間下午4點幾, 就諗住行埋神社後面既円山公園（圓山公園）, 點知開始行唔夠兩步就下雨了….果陣我心諗, 得我一個人在呢度冒雨行円山, 又唔係好多野睇 (唯有咁安慰自己唔好行 :-P), 於是就skip左円山公園唔行, 行番去祇國附近了

中途唔小心跌左相機落地自己唔知, 好在俾日本人叫停我話我知咋, 不過我部相機雖然係「小學雞」爛鬼數碼相機, 但跌過在地下幾次依然仲用到 :-P, 另外又見到一個坐mini cooper的Red Bull女郎, 佢真人係好nice同幾kawaii架, 最緊要佢係淡庄嘛 (呢個在日本好特別架, 當你發現大部分日本女人都化濃庄 :-P), 佢全程保持笑容, 當聽到我唔識日文, 就用英文同肢體語言介紹佢要sell既新款 Red Bull, 如果香港多呢 D 咁有心機同服務態度既Sales咪幾好囉 :-P

之後見日本時間下午6點幾, 於是搭車返京都站既地下街度搵食食Dinner同行下地下街Hea下, 巡完D食店後去左一檔麵店度食冷麵, 碗麵都幾OK架, 好快咁食完左之後就開始行地下街, 如果係我香港班成日鍾意shopping既朋友陪我來到行地下街, 我諗冇半日都未必走得 :-P, 因為步行街有好多返工同出街既衫褲賣, 佢地一定會發左癲咁走去間間入勻去睇同揀 :-P, 我乜都唔買齋行步行街window shopping, 都行左成個幾鐘 :-P，之後我就盡興而歸咁搭車返旅館了

當返到旅館附近果個地鐵站之後, 我開始發現後面有個鴨咀帽大叔跟住我, 由於晚上過左八點鐘, 果個地鐵站係幾乎冇人既, 所以我一見到有人在附近就會好 Alert, 當然呢個同我本身 人在異地行街警覺性高有關啦 :-P, 講番果位大叔先, 我本身諗住個大叔只係咁啱順路就冇理到佢, 點知佢好似一路在我身後不遠處跟住我咁行, 咁我就急步咁行入附近既超市買支裝水兼神隱一下了, 不過就算唔神隱, 我每日都會在呢間超市買水同麵包做早餐或有時做lunch, 在超市門口撞到旅館另一個老闆 (以我估計我住果陣旅館有三個 Boss的), 但我當時認佢唔到, 佢主動同我用日文講晚安, 我就禮上往來同好爛日文同佢講晚安, 之後買左水出超市後唔見左大叔, 以為甩難啦, 就好Relax咁行番旅館了, 點知在最後直路, 俾我見到頭先果位大叔在我對面蚊型居酒屋出面扯煙「充電」, 仲要開始由對面向我呢一邊行過來, 咁我就二話不說急步行入旅館了, 當步入旅館果一下, 已經安全了, 總算有驚無險 XDXD

之後因為疲倦, 即刻去左沖涼洗頭, 但沖涼洗頭完返房後又冇咁疲倦, 就開下電視睇下，在日本晚晚未疲倦到去訓覺前都會開下電視轉下台睇下有冇野睇, 果度既電視節目連日文字幕都冇, 真係好難明佢地講乜, 唯一真係識睇既係果邊每日廿四小時全天候播放既免費AV台, 齋睇都知佢做乜嘛 :-P, 不過入面既角色係一D都唔出名既, 同埋係冇劇情可言純做千篇一律既動作, 除左悶同突兀之外我再冇其他感覺, 或者男士會多D感覺啦 :-P, 所以我睇左一陣都轉台睇第二樣了, 轉左去我唔識睇但又追睇的日本節目, 就係本身在香港追開, 而日本又每星期做一集的日劇, 不過因為有時要沖涼關係而追唔哂成集, 要之後返香港再追過, 而日本同台灣一樣, 幾乎晚晚都播綜藝節目, 我在日本果7日就睇過一小段AKB48同SMAP主持既節目, 不過冇興趣睇左一陣就冇睇, 如果要睇台劇, 就要等過左日本時間十一點後了, 因為果度有個台係十一點後播台劇既, 我在日本果陣做緊台劇”下一站, 幸福”, 但因為太夜兼且我已睇過成套台劇, 所以睇左五分鐘就訓左

除左睇電視睇到累, 我每晚都會用十幾分鐘諗下第二日大約會去邊幾度地方同點搭車去, 呢個係我在日本電波之旅唯一要諗既野, 所有香港既野可以暫時拋低唔使諗, 可以俾個腦暫時清空哂所有野齋 Relax, 同埋去旅行冇人識我, 可以好自由咁想做乜就做乜自己話事（當然係做D合法又唔影響其他人既野啦）^^

做下 Hea 下咁到左日本時間晚上10點幾至11點左右, 累到想訓了, 明天再繼續京都寺廟遊 XDXD

#日本 #遊記 #旅遊 #旅行 #化讚為賞 #化like為coin

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)