香港仔遊記系列 某年日本初度遊電波之旅回憶錄 (1)

[好幾年沒有外遊, 加上疫情下沒能外遊, 只能翻看自家陳年日本旅行遊記並分享舊文章來抒懷]

序

本身四五月放 long vacation (「long vacation」呢個term每次都令我諗起木村拓哉好舊既電視劇 Long vacation, la~la~la~la~la~love song~ :-P), 想飛出香港去過relax trip, 加上我有幾位朋友分別三月尾and四月頭去左我既dream place 日本去旅行, 聽完佢地講既見聞之後我自己都好想去日本一趟, 就咁就促成左今次四月尾至五月頭的日本初度遊7天之旅了 XDXD

去左日本呢7日真係好relax, 同上次台南之旅唔同, 今次我真係乜都唔諗到咁長遠, 淨係每日諗第二日要去邊度sightseeing同搭乜野車去sightseeing

雖然我唔識日文, 但果度既日本人整體都好nice肯幫旅客既, 只係好多時”我有我講英文, 佢地有佢地講日文”囉 :-P, 佢地都有講少少英文答我野, 我到get到佢地意思既, so呢7日在路上都冇乜大問題發生過 XDXD

第一日 — 某年4月29日

在出發日前幾日訂左機票之後, 就一路等到4月29日呢一日到來

我仲要前一晚因為心情又興奮又擔心, 搞到訓唔著乜滯, 在床上”典”下”典”下咁等到四點左右起身, 跟住搭通宵車出發去機場, 沿途有一個好有我心既師奶訓唔著特登起身主動陪我由屋企過去車站度, 仲要陪我在下雨中等車等到我上到車為止 (當然我地係有天橋檔雨既 :-P), 呢個我叫左佢唔使陪我都堅持要陪我走一轉既師奶, 就係我家中的”無敵師奶”了 XDXD

之後, 在車上果個幾鐘, 出面既大雨落下又停下咁, 在清晨五點幾去到機場了, 但由於架廉航機係上午7點半check-in, 咁就要等多兩粒鐘, 突然醒起家中師奶話: 「你個背囊如果寄艙就好用把鎖鎖好個扣呀, 唔好俾人開到個背囊呀 ~~~ ! 」於是我特登帶個鎖在機場鎖住個背囊

之後上午7點半入閘後, 見悶悶地就佔左入面既一部PC一路上FB到上午八點幾左右, 這是由於上機時間由上午八點零五分因為大雨關係延後到上午八點二十幾分, 所以果一日早上係我用FB咁耐以來打得最多FB status的一個早上 :-P

之後在機艙上, 第一次覺得賣機票既agent係呃我錢, 又話平機位幾乎俾人攞哂呀, 好難book到機位呀, 又呢樣又果樣咁, 我坐去日本架機, 幾乎冇人坐咁滯, 何來機位難求呀~~~!? 把幾火!?

唔講Agent咁掃興了, 講番起飛先, 因為果時倒水咁落大雨, 在機艙由上午八點幾坐到上午九點幾至可以起飛, 機程接近四粒鐘, 去到日本已經係香港時間下午2點, 即係日本已經下午3點了 =.=, 之後在日本關西空港 (Japanese “空港” = Chinese “機場”) 辦入境手續, 果度既s職員好好人, 會教點填, 用日文加少少英文, 不過佢地既英文因為日本人口音而唔係好流利, 之後去輸送帶度拿背囊, 發現成個背囊濕透哂…..慌唔係在香港等起飛時淋濕哂咩…..早知唔鬼貪方便寄艙啦…. =.= 不過因為本身去到日本機場已經係下午3點, 就算即刻揹埋背囊去觀光都要好趕投胎咁遊覽 (因為某些景點會在下午5到6點左右關門), 趕投胎觀光 is not my style, 而我見日本關西機場有成四層樓咁高, 咁就在機場度揹住背囊周圍行下了, 一來用機煬冷氣吹下個背囊, 二來睇下有冇合心水既野買嘛, 最後買左少少野飲 :-P, 臨離開機場時, 發現我手提電話在日本係完全收唔到訊號, 我至知道我手提電話在日本係冇得漫遊既, 可惜找完櫃台問職員都找不到適合我手提電話的電話卡（型號太舊）, 注定在當地旅遊時用不到手提電話, 即係我要冒風險 (如果遇有潛在危險, 要有心理準備分分鐘求救無門…..)

之後就在機場買左一張「關西thru pass — 3 days」, 呢個pass好似香港既東鐵西鐵全日通咁, 不過佢係三天全日通, 可以在任何三日內任搭火車, 鐵道同好多巴士 (唔包最貴既 JR線), 仲有一D遊覽景點入場費優惠, 盛惠 5000 yen 一張 (當時價格差不多HKD$500), 大家唔好以為好貴, 日本關西鐵路同火車一個站閒閒地都差不多 HKD$20, 你可以幻想一下搭一個站地鐵要HKD$20, 咁你就知唔係好貴了, 同埋如果你要成日搭車周圍去, 兼且會有機會出錯站而要再入番站去搭車的話, 呢5000 yen既pass絕對可以幫到你無限次出出入入車站, 更重要既係, “任何”三日用都得, 唔需要硬性連續三日咁用嘛 ^^, 我去日本7日, 除左第一日冇乜地方去之外, 日日都用呢個pass搭車架 ^^

買完野, 去到機場隔離既火車站, 本身第一次到日本既我, 因為唔知點用果度既買票機, 企在買票機前不遠處研究緊點用, 仲未諗住用既時候, 又一個好nice既日本女仔走來用日文問我有冇野可以幫到我 (我完全聽唔明架, 不過get到佢係同我講呢樣野 :-P), 之後我唯有用英文用佢講我唔識日文 (sorry, 雖然我母語係中文, 但我在陌生地方緊張時係本能地會用左英文講野, 我自己都唔知點解 :-P)

之後諗住佢多數會唔再理我直接走左去啦, 點知原來佢找佢果位識少少英文既未婚夫來問我有冇野要幫手, 逐一步咁教我點買票兼幫埋我買票呀, 當然錢係我自己出架啦 XDXD, 咁都未算, 佢地一行四人 (日本女仔, 佢未婚夫, 佢地既母親) 見順路, 同我一齊搭火車去到難波轉車站, 全程仲要怕我悶好努力咁同我閒聊, 當我有幾次用好爛既日文話好擔心果陣, 日本女仔好有安全感咁用日文同我講左幾次: 大丈夫 ~~~ （沒問題咁解），果時真係好開心, 估唔到一到達日本就遇貴人, 仲要係剛剛去完上海旅行完回國既貴人呀 (呢樣我係同佢地閒聊時那位未婚夫講的) ! XDXD

佢地仲要用佢地手提電話搜尋我在邊個車站落車去我間旅館最方便，同埋幫我睇下我旅館附近有冇超市、便利店同澡堂, 之後佢地仲好人到在轉車站幫我問職員在邊條火車線我可以轉車去我既旅館附近果個車站 ~~~ 仲要帶埋我去適當既月台度等車, 佢地仲幫我撕走我背囊下面已經冇用既機場標簽紙至走呀~~~ 勁nice勁好人囉~~~~ ! XDXD

可惜, 之後我就在日本發生左件好搞笑既「黑仔野」, 咁在貴人走了之後, 我架火車都來了, 但當我掉走機場標簽紙入垃圾筒並入左火車之後, 至發現我張車票唔見左, 諗一諗至知, 自己唔小心掉走機場標簽紙時可能連埋車票都唔小心掉走埋….我當堂九秒九跳車番去睇下可唔可以找得番啦, 但係當然係找唔番啦 （嗱！我唔係臨關門前衝出車果隻而只係未開始關門前已跳左落車，我亦冇摷垃圾咁失禮，而只係透過垃圾筒既透明膠片望入筒內啫~）, 咁我唯有用英文加埋同紙筆畫公仔咁同火車職員講野啦, 佢地只係勉強識睇我既肢體語言同畫公仔咋….Orz….好彩佢地最後唔使我補錢而係俾張臨時車飛我用咋 (可能見我係旅客至咁好唔使補錢 :-P)

到左有驚無險咁去到旅館, 俾埋7日既住宿費同保證金 (部份日本旅館係會要求俾你間房條匙既保證金架, 怕你唔見匙嘛, check-out時會退番保證金俾你既), 當時已經係日本時間下午5點幾6點了, 背囊入面D野 (衫, 褲, socks, 旅遊書) 又濕鬼哂, 果一刻當堂冇心情去爭取時間坐車去遠DD既地方觀光…. 唯有睇下有冇最近我落腳點而又仲去得切既景點, 之後就去左大阪既通天閣 (因為我搭幾個鐵道車站就到通天閣, 下午6點出發都仲可以去 XDXD), 通天閣下面仲有一間好出名既串燒店, 大排長龍架, 入面仲有中文英文同韓文菜單, 不過由於我折騰左一大輪, 已經冇乜心情下下講禮貌, 所以當我食完走果陣, D職員同我同日文同國語講多謝時, 我只係微微點頭而冇乜其他反應既… 唔係既話我係會點頭兼用我既爛日文回敬多謝...

之後趁通天閣仲未到晚上9點關門時間, 就上去睇下大阪夜景了, 大阪夜景幾正架, 可惜之後我只係得呢一晚可以睇到夜景, 其他6日行程都因為時間關係睇唔到夜景~最後坐鐵道返到旅館, 已經係日本時間晚上十點了, 沖洗完返房訓果陣都已經當地晚上11點了

#日本 #遊記 #旅遊 #旅行 #化讚為賞 #化like為coin

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)