日本某年紅葉之旅 (6)

[好幾年沒有外遊, 加上疫情下沒能外遊, 只能翻看自家陳年日本旅行遊記並分享舊文章來抒懷]

第八日 — 某年11月20日

有馬 + 神戶 + 新宿

呢一日係最後一日關西遊, 是日去左有馬同神戶~~~

好多人去有馬係為左浸溫泉, 而我就為左周圍遊去搵紅葉, 勢估唔到呢度紅葉最好睇既地方竟然係某間溫泉旅館既停車場 :-P, 本身我想去果個公園係好轉折既, 要在有馬車站等免費穿梭小巴上去呢間溫泉旅館, 之後再行山咁行上去公園, 就係溫泉旅館下車果陣見到個停車場既紅葉幾正, 即刻留低影幾張相至行上去公園

行到上去公園, 入面D紅葉反而有之前停車場咁正, 只算係唔錯啫, 不過難得來到, 當然行一轉同影下相至走啦, 影完返去頭先果個停車場等免費穿梭小巴番去有馬車站, 然後再轉戰神戶~~~~神戶因為之前去過1, 2次, 所以今次只對神戶港同中華街有興趣~~~去左呢兩度漫遊一番之後, 就番京都開locker攞行李啦 (由於日本係早上check-out的, 如果唔順路唔會返去hostel攞行李既話, 我都會去大車站既locker度用幾百yen用locker放行李再去四圍遊, 當然會揀是日行程既中轉站啦~~~順路嘛~~~), 跟住立即去搭新幹線, 離開關西投奔關東了~~~

等左大約半個鐘 (冇錯, pass可以搭到既車通常都要等咁耐…), 之後坐左4個鐘左右, 到達東京了, o係東京一番街dinner完之後就去新宿hostel落腳, 中途見到新宿站附近既Xmas燈飾開著左好靚 (估唔到咁早就開著左 ~~~ :-P), 忍唔住過左去行左一輪兼影左一陣相至走, 不過好大風幾凍下, 搞到我都咳左2聲, 不過第2日已經冇再咳了 ^^

第八日 — 某年11月21日

是日箱根一日遊~~~~

果日一早由新宿hostel出發搭JR到箱根, 展開一日箱根之旅, 第一站去左行強羅公園, 呢個公園在我來講屬於中型, 唔大唔細咁冇乜紅葉睇, 但D西式庭園景都算係ok既, 好快行完一round就繼續搭上山電車上去桃源台轉纜車到大涌谷果度, 講開又講, 我次次在日本去親郊區, 無論週末以外既邊一日都實有好多中小學生去旅行, 我心諗唔使去得咁密呀~~~果次架車除左好多日本本地遊客, 仲有唔少小學生, 架上山電車迫到核爆~~~ > ~ <

之後轉坐纜車上大涌谷, 沿途風景都好靚, 之後臨到大涌谷果陣, 有個大驚喜~~~俾我見到好清楚既富士山呀~~~之前來東京2次想見都見唔到, 今次無預過既情況下居然俾我見到~~~~~人生真係好盞鬼 XDXD, 果下即刻在架車度係咁”嘩~~~~” (當然平時我唔會咁倡狂, 但我見坐我附近果pair日本拖友都”嘩~~~”, 咁我”嘩~~~”埋一份都唔怕啦~~~隔離一對老年couples只係報以微笑 ~~~係微笑唔係恥笑呀~~o拿~~~日本人呢下做得幾好啦~~~ :-P)

之後到左大涌谷站, 一出站又係咁影富士山一陣至肯行上大涌谷呢個死火山景點, 仲例牌在大涌谷山頂位食溫泉黑雞蛋做lunch~~~幾正架, 仲好飽添 ~~~ XDXD 食完落去車站果陣, 撞正日本組合Kat-tun上大涌谷拍野, 可能係拍綜藝節目 (斷估都唔會係上去人山人海咁拍MV 嘞啩~~~ :-P), 我本身唔係呢個組合既fans, 所以起初都認唔到佢地, 不過當我同組合成員龜梨和也互望左一陣 (雖然大家三唔識七, 都未至於互睥既 :-P), 就認到佢了, 之後再望就認到其他成員, 不過我都只係走遠左之後回頭同佢地既工作人員互望左一下啫 :-P, 冇再望佢地了 ~~~

之後去左坐好型既海盜船遊箱根盧之湖, 坐住又大又靚既船吹住風望住咁靚既風景, 真係爽夾正架~~~所以我次次去日本都幾乎會去箱根, 次次去箱根都一定會坐海盜船架~~~ XDXD

坐完船到元箱町港, o係果度行下箱根神社就走了 (其實果度我覺得唔係好多野睇~~~), 臨尾在海傍行左一陣就走了, 估唔到呢度都會有小學生來旅行, 仲要全部戴哂小紅帽~~不過係鴨咀帽~~~真係成班”小鴨仔團”~~~搞到我手痕離遠影左佢地一張背影相 :-P

之後坐巴士出番箱根車站, 搭車返東京車站一番街度dinner, dinner完至走人返新宿hostel ~~~ ^^

#日本 #遊記 #旅遊 #旅行 #化讚為賞 #化like為coin

讀者如喜歡這篇文章 ，可於文章最下方按下Likebutton以示鼓勵及支持，若讚賞公民請先登入再按下Likebutton ，最多可按5至6下，而其他人士也可以於網絡了解LikeCoin及考慮是否註冊成為讚賞公民，若想成為讚賞公民可按以下連結︰https://likerland.app.link/?event=app_referral&referrer=tracy2018（下載APP登記註冊並通過短訊驗證後，你我還可有機會各獲 100 LikeCoin 作奬勵）