JFans

喜愛在愛情、工作、教育、娛樂及社會民生等抒發自己所思所想

日本某年紅葉之旅 (5)

發布於

[好幾年沒有外遊, 加上疫情下沒能外遊, 只能翻看自家陳年日本旅行遊記並分享舊文章來抒懷]

第六日 — 某年11月18日

第一站 — 金閣寺 + 祇園

今日係京都一日遊, 晨早八點左右由大阪hostel出發去京都, 然後搭市巴士去金到爆既金閣寺, 原本以為weekday會好少人去, 點知原來都唔少人去行, 入面除左日本人, 仲有台灣人, 中國人, 香港人同韓國人, ~~~~ 雖然紅葉未開哂, 但D景觀都唔錯 ^^

之後都將近 lunch time, 我去左祇園既八阪神社同圓山公園度野餐 (所謂既野餐只係食幾件飯糰, 因為袛園D野食幾貴下, 同埋果日可能飲得野多冇乜胃口, 我太愛飲野了 :-P), 之後在圓山公園影左一陣就出發去下一站, 亦係是日高潮 ~~~

第二站 — 清水寺 + 二條城 + 京都站地下街

行左一大段斜路上山後, 清水寺地帶就出現在眼前了~~~原本好疲累, 但見到清水寺都稍為精神一振, 一條氣慢慢行哂清水寺, 由寺上望落去林林總總唔同色既紅葉, 真係幾正架~~~ XDXD, 搞到我都留耐左慢慢行慢慢睇夠至走人 :-P

清水寺下山後, 就去左轉戰二條城啦, 果度其實係冇乜紅葉既, 我只係去參觀一下城堡建築啫, 如果對城堡建築一丁點兒興趣都冇既朋友, 可以唔使去呢度的 :-P

晚上回到京都站地下街, 去左食大碗麵開餐, 跟住行左一轉京都站地下街至肯走 XDXD


第七日 — 某年11月19日

之前一日去遊完一日返京都站地下街 dinner 果陣, 望住車站路線指南發現 miss 左去金閣寺附近既仁和寺, 呢一日第一站就去呢度 ~~~

第一站 — 仁和寺 + 嵐山

唔知係咪因為呢度唔係一個好出名既景點, 呢度唔係好多人行, 但作為晨早活動來講都唔算差既, o係呢度留左唔係好耐就去左是日精華 — — 嵐山

去嵐山我一定會坐小火車, 因為由小火車望出去既景觀對我來講係幾時都咁正既, 仲要陣陣清風咁吹來, 幾舒服架~~~

去到嵐山去左兩個寺, 第一個唔記得個寺既名 (中年痴呆症發作…=.=), 但記得果度既紅葉好正, 正到我留左成粒鐘行下停下睇下同影下相 ~~~~

之後經過竹林去天龍寺, 呢個竹林, 我去嵐山一定會去行一轉, 因為出面無論幾熱幾曬, 身處竹林中都唔會焗親曬親, 因為俾竹林罩住, 同埋沿路兩邊高到你暈既竹林真係咪話唔正斗, 我都專登慢慢行出去 XDXD, 行完竹林去到天龍寺 (好似係, 又中年痴呆症發作…=.=), 一路行都幾正既, 但唔係影左好多相, 只係臨尾在最靚果度影左幾張相

之後行完寺出番渡月橋去嵐山公園行左一陣, 嵐山公園D紅葉反而冇咁靚, 所以都冇乜點影相, 最後返左去京都站, 又在京都站地下街dinner, dinner完就返左大阪hostel了

#日本 #遊記 #旅遊 #旅行 #化讚為賞 #化like為coin


讀者如喜歡這篇文章 ,可於文章最下方按下Likebutton以示鼓勵及支持,若讚賞公民請先登入再按下Likebutton ,最多可按5至6下,而其他人士也可以於網絡了解LikeCoin及考慮是否註冊成為讚賞公民,若想成為讚賞公民可按以下連結︰https://likerland.app.link/?event=app_referral&referrer=tracy2018(下載APP登記註冊並通過短訊驗證後,你我還可有機會各獲 100 LikeCoin 作奬勵)

喜歡我的文章嗎?
別忘了給點支持與讚賞,讓我知道創作的路上有你陪伴。

看不過癮?

一鍵登入,即可加入全球最優質中文創作社區