日本某年紅葉之旅 (2)

[好幾年沒有外遊, 加上疫情下沒能外遊, 只能翻看自家陳年日本旅行遊記並分享舊文章來抒懷]

第一日 — 某年11月13日

同之前去旅行一樣, 前一晚飛去日本, 又係我家那位老太送我去車站等機場巴士, 真係好 ~~~ 不過我係唔會唱「世上只有媽媽好, 有媽的孩子像個寶」咁「娘」的 ~~~ :-P

之後晚上10點幾到機場, 打番屋企報平安之後, 就慢慢搵位坐低等check-in然後再等上機, 中間我某個巴打 whatsapp 搵我吹水, 同佢whatsapp左一陣 ~~~

半夜1點幾上機, 全程吊住魚咁半訓覺, 然後日本時間11月13日清晨5點至6點到左日本, 一到埗即到果邊既JR Green Counter換哂D JR Pass同JR關西Wide Pass, 之後就開始18日既行程 ~~~~ XDXD

因為之前在機上只係吊住魚咁半訓覺, 所以唔想太chur, 所以去左 hostel 放行李先, hostel 有得寄放行李好緊要, 因為日本係一律下午12點後甚至下午2點至3點至開始有得check-in, 唔係個個都想第一日落機就要的住一抽二抽既野兼拖住行李箱去周圍行, 又唔想俾錢用 coin locker（入錢機式既locker）嘛 ~~~ XDXD

不論我去過幾多次日本都好, 次次第一轉去 hostel 都總會在開始階段蕩失路, 就算有地圖都好, 今次都唔例外, 我搭JR去到 hostel 果區, 找左大半個鐘, 至找到間hostel, 一抽二抽兼拖住行李箱咁搵路好狼狽, 放低行李之後就在 hostel 附近認路, 認完路之後發覺其實間 hostel 都唔係太惡搵, 於是就去是日旅行第一站了

第一站 — 奈良公園

本身上網睇過話呢度開始有紅葉, 於是就諗住過來睇下先, 點知, 行左成個奈良公園, 由上午10點幾行到下午3點幾, 都只係見到幾棵樹有紅葉, 唉…..不過都好過一D紅葉都冇既~~~~ 中間仲去左春日大社兼又做左「傻仔」買左個繪馬寫祝家中老太身體健康, 我每次去春日大社都做的~~~（家人好實際，成日覺得我買繪馬為家人祈福唔化算同傻仔）, 果度又例牌見到好多鹿, 又係成大班鹿圍住同追住D人搵食, 我呢D怕俾佢地追同撞既「笠水之人」, 當然係離遠望完就閃人啦, 全程天氣都OK既, 只係中途行行下突然落雨, 搞到我要搵地方著雨衣 (果度既遮太弱雞了, 落親雨大風少少都會吹爛, 所以我果日冇買到, 不過後來都先後買左遮)

行完公園就去奈良商店街lunch, 因為有唔少食店唔係摺左就係價錢唔抵, 最後去左一間中國料理店度食野，食完之後就行去JR奈良站去旅遊第二站, 果陣JR站上空已經一大片灰雲了 (其實果日個天都陰陰地…)

第二站 — 通天閣

每次去大阪都總會去兩度地方睇夜景或日景, 一個係通天閣, 一個係梅天City, 因為通天閣相對比較近我 hostel, 所以就去左呢度了

去到果陣只係下午5點幾, 唔想太早上去, 於是去左通天閣下面最出面既串燒店度dinner, dinner完見已經係下午6點幾，天都黑齊，就上去通天閣睇夜景 (其實在日本, 每日當地時間下午5點左右就已經開始天黑或已經天都黑齊架啦~~~ XDXD)

由於唔係weekend, 所以唔係好多人, 唔使同人迫下迫下至去到窗口位睇夜景 XDXD, 果度既夜景都唔錯架, 中間仲俾我見到附近既動物園已經著左Xmas燈飾tim, 不過我對動物園冇興趣 :-P, 我好鐘意在日本高空睇夜景, 因為由高空望落去會見到好多燈 (唔係睇壞眼既廣告牌果D燈, 係街燈同人地屋企D燈), 閃下閃下, 好似見到好多唔同顏色既星星咁, 「萬家燈火」咁既feel都唔錯 ~~~

睇完之後就返 hostel 休息, 之前網上睇到話間 hostel 老闆係台灣人, 點知下午去到寄存行李時見到那個 hostel 負責人係日本女人兼唔識英文同普通話, 都有點 down, 點知~~~原來晚上當值既hostel 負責人真係台灣人來架~~~仲要話我既普通話佢聽得明講得OK, 好過好多佢見過既香港住客呀~~~真係開心到呢~~~~最重要係間 hostel 有 lift, 有 lift 對拖行李箱去旅行既人來講係好重要架~~~~!

返到房之後就打回家同家中老太報平安 (其實果日一落機已打過番去報平安了, 晚上但又打多次), 跟住就去共享浴室度沖涼流洗了, 所謂共享浴室就係平價 hostel 入面每層都有既公共浴室, 每次只能1個人入去沖涼, 有齊沖涼梘液, 洗頭水同護髮素, 仲有風筒吹頭的~~~, 其實間 hostel 本身係有免費入場劵去附近既澡堂度浸下小溫泉的, 但因為太疲累了, 第二日至開始日日攞免費入場劵去浸 XDXD

沖完涼返房用電腦上一陣上網之後就訓覺了, 明天再出發 XDXD

#日本 #遊記 #旅遊 #旅行 #化讚為賞 #化like為coin

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)