90後港媽,同老公一齊,爭幾球街數,求其搵個地方,簡簡單單俾我呻2句.
搶工人姐姐
放工又去探阿媽,成家人一致贊成,要請多個工人姐姐,夜晚即刻搵咗6間Agency,撇開先唔講請當地,或者斷約工人,淨係搵完約工人,疫情後最快都要個半月,加上無論而家飛到過嚟嘅印尼姐姐,或者過多成個月先可能過到嚟嘅菲律賓姐姐,一飛過嚟就要家居隔離14日,即差唔多要白白俾多半個月人工,所以本地完約姐姐,個個都係咁搶.
今晚成家人就喺到討論緊,要唔要加多少少請個新姐姐,好似而家兩老緊嗰個,已經做咗10年,每年加少少俾佢,加吓加吓已經加到8千幾,所以可能最多都係試吓開5千,睇吓會唔會有正路少少嘅姐姐.
2020年,搶完口罩,搶廁紙同米,而家又要搶工人姐姐.
喜欢我的文章吗？
别忘了给点支持与赞赏，让我知道创作的路上有你陪伴。
发布评论…